اسلام آباد ۔ 2 اگست (اے پی پی) ترکی دے صدر رجب طیب اردوان صدر مملکت ڈاکٹر عارف علوی کوں ٹیلی فون کیتے اتے انہاں کوں عید دی مبارک ڈتی۔صدر ڈاکٹر عارف علوی ترک ہم منصب کوں وی عید دی مبارک ڈیندے آکھیا جو ایں سال عید اوکھے حالات اچ منیندی پئی اے اتے جگ کوں کرونا سودھے کئی چیلنجز ہین،کرونا دے خلاف جنگ اچ پاکستان دا ہتھ ونڈاونڑ تے ترک صدر دے مشکور ہیں،پا کستان اتے ترکی اچ کرونا کیسز قابو اچ آونڑ حوصلہ افزا گالھ اے۔صدر علوی ترک صدر کوں مقبوضہ کشمیر دی اجوکی صورتحال خاص کر پنج اگست دے غیر قانونی بھارتی اقدامات بارے ڈسیندے آکھیا جو مقبوضہ وادی ہی نئیں پورے بھارت اچ وی مسلمان ہندوتوا نظریے دا شکار ہیں اتے انہاں دا جیونڑاوکھا کر ڈتا گئے۔انہاں امید کیتی جو ترکی مسلہ کشمیر تے اپنڑی موثر آواز چیندا رہسی۔ترک صدر صدر مملکت عارف علوی کوں کرونا اچ بہتری توں بعد ترکی دے دورہ دی دعوت ڈتی اتے ”آیا صوفیہ مسیت “ ولا نمازیاں کیتے کھولنڑ تے انہاں دی تعریف کیتی۔