اسلام آباد ۔ یکم اگست (اے پی پی)چیئرمین کشمیر کمیٹی شہریار خان آفریدی عید تے مظفرآباددادورہ کیتے اتے وڈی عید گاہ اچ عید نماز پڑھی،انہاں صدرآزاد کشمیراتے وزیراعظم نال آزادی کشمیر ریلی دی اگوانڑی کیتی۔ انہاں آکھیا جو وزیر اعظم عمران خان دی ہدایت تے عید تے کشمیری عوام نال یکجہتی کیتے کشمیر کمیٹی دے اراکین دے کٹھے آیاں،وزیراعظم عمران خان کشمیر دے حقیقی سفیردکی حیثیت نال پورے جگ اچ اہم فورمز تے کشمیر دی آزادی دا مقدمہ لڑدے پین،اساں کشمیر کیتے ہر قسم دی قربانی ڈیونڑ کوں تیار ہیں،مسئلہ کشمیرتے کوئی سمجھوتہ نہ کیتا ویسی،کشمیر دا مقدمہ کشمیریاں دی آزادی تئیں لڑسوں۔انہاں آکھیا جو فاشسٹ مودی حکومت جانڑگھنے جو کشمیریاں دی جدوجہد اچ اساں انہاں نال مونڈھا رلا تے کھڑےہیں،کشمیر کازکیتے پاکستان دے عوام، سیاسی جماعتاں اتے مسلح افواج سودھا سارے فریقین ہک مٹھ ہین۔انہاں وزیر اعظم آزاد کشمیر فاروق حیدر اتے صدر سردار مسعود خان نال آزادی کشمیرکیتے ریلی و ی کڈھی۔