(اج) ٹائیگر فورس ڈے دے موقع تے پورے ملک اچ محکمہ جنگلات اتے ضلعی حکومتاں دے تعاون نال 20لکھ پودے لیسوں،وزیراعظم ٹائیگر فورس نال اسلام آباد اتے وزیراعلیٰ پنجاب لاہور اچ شجرکاری کریسن،اپوزیشن کوں سیاسی اختلاف کوں ہک پاسے رکھ تے ملک کوں سرسبز بنڑاونڑ دی ایں مہم اچ رلنڑ دی دعوت ڈیندوں،وزیراعظم دے معاون خصوصی برائے امور نوجواناں عثمان ڈار دا پریس کانفرنس نال خطاب

لاہور۔8 اگست (اے پی پی)وزیراعظم دے معاون خصوصی برائے امور نوجواناں عثمان ڈارآکھیا جو (اج) ٹائیگر فورس ڈے دے موقع تے پورے ملک اچ محکمہ جنگلات اتے ضلعی حکومتاں دے تعاون نال 20لکھ پودے لیسوں،وزیراعظم ٹائیگر فورس نال اسلام آباد اتے وزیراعلیٰ پنجاب لاہور اچ شجرکاری کریسن،اپوزیشن کوں سیاسی اختلاف کوں ہک پاسے رکھ تے ملک کوں سرسبز بنڑاونڑ دی ایں مہم اچ رلنڑ دی دعوت ڈیندوں۔او ہفتے کوں اتھاں پریس انفارمیشن ڈیپارٹمنٹ دے دفتر اچ پریس کانفرنس نال خطاب کریندے پئے ہن۔ سیکرٹری جنگلات پنجاب کپیٹن (ر) محمد آصف وی ایں موقع تے موجود ہن۔انہاں آکھیا جو ٹائیگر فورس دے نینگر اج ہک تاریخ بنڑیسن۔انہاں آکھیا جو وزیراعظم ٹائیگر فورس نال رل تے اسلام آباد اچ‘وزیراعلی پنجاب لاہور‘ گورنر پنجاب شاہدرہ‘ وزیراعلی خیبر پختونخواہ پشاور‘ گورنر سندھ کراچی جڈانجو وفاقی اتے صوبائی وزراء پورے ملک اچ شجرکاری کریسن۔