اسلام آباد ۔ 10 اگست (اے پی پی) وزیر خارجہ شاہ محمود قریشی آکھیا جو اقوام متحدہ دی جنرل اسمبلی مقبوضہ جموں تے کشمیر اچ جاری انسانی حقوق دی خلاف ورزیاں کوں روکے، یو این جنرل اسمبلی مسئلہ کشمیر دے پر امن حل سانگے اپنڑاں کردار نبھاوے،پاکستان سانجھی ذمہ واری دے تحت افغانستان اچ امن سانگے اپنڑاں کردار نیت نال نبھیندا پئے ،خطے اچ امن سانگے بین الافغان مذاکرات جلدی تھیونڑ بہوں ضروری اے۔اے گالیں انہاں اقوام متحدہ دی جنرل اسمبلی دے نو منتخب صدر وولکن بوزکر نال ملاقات اچ گالھ مہاڑکریندیں ہوئیں آکھی جنہاں سنوار کوں ددفتر خارجہ اچ انہاں نال ملاقات کیتی۔ ترجمان دفتر خارجہ دے مطابق ملاقات اچ سیکرٹری خارجہ سہیل محمود، ڈی جی یو این اتے وزارت خارجہ دے سینئر افسر شریک تھیے۔ملاقات اچ اقوام متحدہ جنرل اسمبلی دے 75 ویں اجلاس بارے معاملے،اجلاس دے ایجنڈے سودھے آپسی دلچسپی دے معاملیاں تے گالھ مہاڑ کیتی گئی ۔ وزیر خارجہ ’ وولکن بوزکر کو ںاقوام متحدہ جنرل اسمبلی دے75ویں اجلاس سانگے صدر بنڑنڑ تے مبارک ڈتی ۔وزیرخارجہ کورونا وباءنال نبڑنڑ اتے کمزور معیشتاں دی معاشی بحالی سانگے وزیراعظم عمران خان ولوں ترقی پذیر ملکاں سانگے قرضے اچ سہولت دی تجویز بارے وی صدرجنرل اسمبلی کوں ڈسیا۔ وزیر خارجہ ’ اقوام متحدہ جنرل اسمبلی دے نو منتخب صدر کوں مقبوضہ جموں تے کشمیر اچ جاری انسانی حقوق دی خلاف ورزیاں بارے وی ڈسیا۔ڈوہیں رہنماواں وچال افغان امن عمل سمیت، خطے اچ جاری امن تے استحکام دی کوششاں بارے وی گالھ مہاڑ تھئی۔
