اسلام آباد ۔ 15 اگست (اے پی پی) بھارتی سینئر سفارتکار کوں دفتر خارجہ سڈ تے 14 اگست کوں قابض بھارتی فوج ولوں لائن آف کنٹرول ( ایل او سی ) دے دھودنیا سیکٹر اچ جنگ بندی دی بلااشتعال خلاف ورزیاں تے شدید احتجاج ریکارڈ کیتا گیا ۔ بھارتی فوج دی بلااشتعال فائرنگ پاروں ترائے سال دی نشوم بالڑی زخمی تھی گئی اے ۔ہفتے کوں ترجمان دفتر خارجہ موجب سینئر بھارتی سفارتکار کوں دفتر خارجہ سڈ تے احتجاجی مراسلہ انہاں دے حوالے کیتا گیا تے قابض بھارت فوج ایل او سی اتے ورکنگ باﺅنڈری دی مسلسل خلاف ورزیاں کریندے ہوئیں آرٹلری، بھاری اتے خودکار ہتھیاراں دے ذریعے عام شہری آبادیاں کوں نشانہ بنڑیندی پئی اے ۔ بھارتی سفارتکار کوں ڈسایا گیا جو شہری آبادیاں کوں دانستہ نشانہ بنڑاونڑ قابل افسوس، انسانی عظمت ووقار، عالمی انسانی حقوق اتے بین الاقوامی انسانی قوانین دے صریحاً منافی اے۔ بھارت ولوں جنگ بندی دیاں انہاں خلاف ورزیاں توں علاقائی امن و سلامتی کوں سنگین خطرہ اے جیں دا نتیجہ سٹرٹیجک غلطی دی صورت نکل سگدے ۔
