اسلام آباد ۔ 5 اگست (اے پی پی) بھارت ولوں غیر قانونی زیر قبضہ کشمیر اچ 5 اگست دے اقدام کوں ہک سال پورا تھیونڑ تے کشمیریاں نال یکجہتی کیتے وزارت امور کشمیر وگلگت بلتستان ہک واک کیتی اے جیندے اچ وڈی تعداد اچ شہریاں شرکت کیتی۔اے واک کنونشن سنٹر توں شروع تھئی۔ایں موقع تے خطاب اچ وفاقی وزیر امور کشمیر و گلگت بلتستان علی امین خان گنڈاپورآکھیا جو ہنج اگست دا ڈینھ مقبوضہ کشمیر دی تاریخ اچ ہک بیا سیاہ ڈینھ اے جڈاں بھارت ہک واری ول سارے بین الاقوامی قوانین اتے اقوام متحدہ دی قرارداداں دی دھجیاں اڈئن،بھارت غیر قانونی مقبوضہ کشمیر تے اپنڑے ناجائز قبضے کوں بیا تکڑا کرنڑ دی قابل مذمت کوشش کیتی، بھارتی اقدامات آرایس ایس دی ہندوتوا سوچ کوں ظاہر کریندن، بھارتی اقدامات دا مقصد اقلیتاں خاص کر مسلماناں نال ونجھ کرنڑ اے ، جگ کیتے ضروری اے جو او مقبوضہ اچ بھارتی فوجہ محاصرے اچ ڈھکیے اسی لکھ کشمیریاں کوں آزادی ڈیواونڑ کیتے کردارادا کرے۔
