تساں قومی قیمت تے اپنڑی رشتے داریاں نہ نبھاؤ،تھوڑی جیہی گالھ تھیندی اے اتے تساں مداریاں وانگوں تیل دی شیشی کڈھ کراہیں کھڑکاونڑ شروع کرڈیندو، وزیراعظم دے معاون خصوصی برائے سیاسی ابلاغ ڈاکٹر شہباز گل دا مسلم لیگ ن دے رہنما احسن اقبال دے ٹویٹ دا ولدا

اسلام آباد۔ 8 اگست (اے پی پی) وزیراعظم دے معاون خصوصی برائے سیاسی ابلاغ ڈاکٹر شہباز گل‘ مسلم لیگ ن دے رہنما احسن اقبال دے ٹویٹ دے ولدے اچ آکھیا جو تساں قومی قیمت تے اپنڑی رشتے داریاں نہ نبھاؤ،تھوڑی جیہی گالھ تھیندی اے اتے تساں مداریاں وانگوں تیل دی شیشی کڈھ کراہیں کھڑکاونڑ شروع کرڈیندو،۔ہفتے کوں اپنڑے ٹویٹ اچ انہاں آکھیا جو سعودی عرب اساڈا بھرا اے،بھراویں اچ گالھیں وی تھیندین اتے گلے شکوے وی تھیندے رہندن۔پاکستان دا بال بال مکہ مکرمہ اتے مدینہ منورہ سانگے قربانی ڈیونڑ سانگے تیار اے۔