جاپان دے وزیر اعظم شینزوآبے مستعفی تھیونڑ دا فیصلہ کر گھدا

ٹوکیو ۔ 28 اگست (اے پی پی)جاپانی وزیر اعظم شینزو آبے صحت دے مسئلیں دی وجہ توں وزارت عظمیٰ دے عہدے توں مستعفی تھیونڑ دا فیصلہ کرگھدے ۔جاپانی ذرائع ابلاغ موجب وزیراعظم دے ذرائع آکھیے جو او صحت دے مسئلے نال نبڑنڑ کیتے آپ دا عہدہ چھوڑیندے پئن ۔انہاں مزید ڈسائے جو شنزو آبے آپنڑے فیصلے دی وضاحت وختی ہک نیوز کانفرنس وی کریسن۔ واضع رہے جو جاپانی وزیر اعظم ایندے توں پہلے 2007اچ وی وزیراعظم بنڑنڑ دے صرف ہک سال بعد ہی صحت دی خرابی پاروں عہدہ چھوڑ ڈتا ہئی ۔