اسلام آباد ۔ 12 اگست (اے پی پی) وزیر خارجہ مخدوم شاہ محمود قریشی آکھیے جو خطے اچ دیر تئیں امن و استحکام ،افغانستان اچ قیام امن نال مشروط اے ۔اے گال انہاں پاکستان اچ تعینات افغان سفیر عاطف مشعل نال گال مہاڑ کریندے ہوئیں آکھی اے جنہاں بدھ کوں وزارت خارجہ اچ انہاں نال الوداعی ملاقات کیتی۔ گال مہاڑ اچ پاک افغان تعلقات اتے خطے اچ قیام امن سمیت ڈو پاسے سانجھی دلچسپی دے امور تے گال مہاڑ کیتی گئی ۔وزیر خارجہ آکھیے جو خطے اچ دیر تئیں امن و استحکام، افغانستان اچ قیام امن نال مشروط اے۔انہاں آھکیے جو بین الافغان مذاکرات توں افغانستان اچ دیر پا امن دا رستہ ہموار تھیسی ۔ مخدوم شاہ محمود قریشی آکھیے جو پاکستان، افغان امن عمل سمیت خطے اچ امن و استحکام کیتے اپنڑاں مصالحانہ کردار ادا کریندا رہ ویسی ۔افغان سفیر عاطف مشعل نیک خواہشات دے اظہار تے وزیر خارجہ دا شکریہ ادا کیتا۔
