اسلام آباد ۔ 3 اگست (اے پی پی) وفاقی وزیر اطلاعات و نشریات سینیٹر شبلی فرازآکھیے جو سندھ حکومت دے کوتاہی نال سندھ دے لوک کنڑک اتے اٹا مہانگا گھندے پین،سندھ حکومت ولوں کنڑل جاری کرنڑ پاروں کنڑک اتے اٹا مہانگا تھیندا جیڑھا پورے ملک اچ ہک واری ول کنڑک دے بحران دی وجہ بنڑسگدے۔ وفاقی وزیر غذائی تحفظ و تحقیق سید فخر امام دے رلے پریس کانفرنس اچ انہاںا ٓکھیا جو سندھ اچ کنڑک دی کمی اتے قیمتاں اچ ودھارے دی وجہ فلور ملز کوں کنڑک نہ ڈیونڑاے،حکومت پنجاب کنڑک اتے اٹے دیاں قیمتاں مناسب رکھنڑ کیتے سبسڈی دے نال نال ویلھے تے کنڑک فلور ملز کوں ڈتی اے جیندا فیدہ لوکاں کوں سستے اٹے دی شکل اچ ملدا پئے بھل سندھ حکومت اپنڑی نااہلی نال اپنڑے عوام کوں نقصان پچیندی پئی اے،پنجاب اتے سندھ اچ ودھ کنڑک پیدا تھیونڑ دے باوجود غلط تاثر ڈتا ویندا پئے جو کنڑک اتے اٹے دا ملھ ودھ گئے،جیڑھے لوک اج ناجائز منافع خوری اچ ملوث ہین اوہے کل وی ملوچ ہن،اے مصنوعی بحران پیدا کرنڑی دی کوشش اے جیندے تے توجہ دی لوڑھ اے۔
