اسلام آباد ۔ 11 اگست (اے پی پی) وزیراعظم دی معاون خصوصی ڈاکٹر ثانیہ نشتر آکھیے جو ضلع دیر بالا اچ پہلا احساس نشوونما مرکز قائم کرڈتا گئے ۔ماواں تے نوزائیدہ بالاں کوں سٹنٹنگ توں بچاونڑ کیتے دیر بالا اچ کل 6نشوونما مرکز کھولیے ویسن جڈاں جو پورے ملک دے 9ضلعیں اچ مجموعی طور تے 33 مرکز قائم کیتے ویسن ۔ وزیر اعظم وختی ایں پروگرام دا باقاعدہ اجرا کریسن ۔ ہر احساس نشوونما مرکز تے احساس دی صارف تریمتاں تے انہاں دے بالاں کوں سہولتاں ڈتیاں ویسن ۔ چیدہ چیدہ سہولتاں وچ صارفین دا اندراج، طبی معائنہ، آگاہی نشست،صحت بخش غذا اتے مندرج صارفین دی صحت و نشوونما دی ڈیکھ بھال وغیر شامل اے ۔صارفین کوں نقد نشوونما وظائف دی بہ سہولت ترسیل کیتے ہر نشوونما مرکز تے اے ٹی ایم مشیناں وی لاتیاں ویندیاں پئن ۔
