جنوبی پنجاب اچ عاشور دا ڈینھ عقیدت تے احترام نال منایا گیا ،سیکورٹی دے سخت انتظامات ،کوئی ناخوشگوار واقعہ پیش نہ آیا

APP34-30 MULTAN: August 30 - A large number of mourners attending the procession of Aashura at Haram Gate on Youm-e-Ashura, the 10th day of Muharram-ul-Harram. Aashura marks the death anniversary of Imam Hussain ibn Ali (AS), (the grandson of Prophet Mohammad (PBUH)) a 7th century revolutionary leader who was martyred in the battle of Karbala. The day of Ashura is recognised by millions across the world to remember Imam Hussain’s dignified stand for social justice. APP photo by Safdar Abbas

ملتان ۔31 اگست (اے پی پی)پورے ملک اچ وانگوں جنوبی پنجاب اچ عاشور دا ڈینھ بہوں عقیدت تے احترام دے نال منایا گیا ،ایں موقع تے ملتان شہر سودھے پورے ضلع اچ علم ،ذوالجناح اتے تعزیئے دے روایتی جلوس برآمد تھئے جیرھے جو آپنڑے روایتی رستے توں تھیندے ہوئیں مقررہ جاہ تے ونج تے مک گئے ۔ایں موقع تے سکیورٹی دے سخت انتظامات کیتے گئے ہن ۔پولیس ،رینجرز ،ایلیٹ فورس سودھے مختلف اداریں دے اہلکار جلوساں دے رلے موجود ہن ۔ پورے ضلعے اچ کہیں وی ناخوشگوار واقعے دی اطلاع کائنی ملی ۔ ضلع ملتان اچ 130مجالس عزاءمنعقد تھیاں جیں اچ ذاکرین تے علماءکرام فلسفہ شہادت تے روشنی پاتی اتے حضرت امام حسینؓ اتے انہں دے جانثاراں کوں خراج عقیدت پیش کیتاگیا۔ عاشور دے ڈینھ دے موقع تے مجموعی طورتے 116ماتمی جلوس کڈھیے گن انہاں اچ 21جلوس Aکیٹگری اچ رلائے گئے ہن۔ملتان اچ تعزیے دا ساریں توں وڈا جلوس استاد شاگرد دے تاریخی تعزیئے دی قیادت اچ برآمد تھیا ۔چوک حرم گیٹ تے مختلف جلوساں دی صف بندی تھئی جیں دے بعد استاد شاگرد دا تعزیہ واپس اپنڑے آستانے دے پاسے ٹرگیا جڈاں جو باقی جلوس مقررہ روٹ دے پاسے روانہ تھی گئے ۔گھنٹہ گھر اچ وی مختلف ماتمی جلوس جمع تھئے جتھاں عزاداراں نماز ظہرین ادا کیتی ۔تعزیئے دے جلوس اہل سنت ولوں کڈھیے گئے جیں اچ استاد والا تعزیہ ،شاگردوالا ،رمضان والا،بکو خان والا،بھیڈی پوتراں،گیلانی والا،لودھی والا،سلیم الدین والا،رشید والا اتے احمد بخش والا قابل ذکر ہن۔انہاں اچ بہوں سارے تعزیئے دربار پاک مائی تے مک گئے ۔اہل تشیع ولوں برآمدتھیونڑ آلے 36تعزیئے دے جلوس کربلا شاہ شمس تے مک گئے اے جلوس آستانہ لعل شاہ،ناصرہ آباد،امام بارگاہ جوادیہ،حویلی مر ید شاہ،سورج میانی،شیرشاہ،حسین آباد،آستانہ کوڑے شاہ،تھلہ سادات،لال کرتی،کمنگراں والا،کالے منڈی اتے بیاں جہیں توں برآمد تھئے ۔ایں موقع تے عزاداران حسین سینہ کوبی کیتی تے رنجیراں نال ماتم کیتا۔چوک دولت گیٹ اچ تلواراں دا ماتم کیتاگیا۔ایں موقع تے ریسکیو 1122،محکمہ صحت اتے سول ڈیفنس ولوں مختلف جہیں تے طبی کیمپس وی لاتے گئے ہن، میپکو ،واسا تے بئے اداریں دے اہلکار وی موجود ہن ،جلوس دے رستے سیل کرڈتے گئے ہن تے سیکورٹی اہلکاراں دی باری نفری تعینات ہئی ۔ماتمی جلوساں تے مجالس دی سکیورٹی اتے امن وامان دی صورتحال برقراررکھنڑ کیتے ضلع ملتان پولیس دے کل 4235 پولیس افسران و اہلکاراں سکیورٹی دے فرائض پورے کیتے ۔