قومی اسمبلی سارے سرکاری اتے غیر سرکاری دستاویزات اچ حضرت محمد ﷺ دے ناں نال خاتم النبیین لکھیے تے پڑھیے ونجنڑ دی قرارداد متفقہ طور تے منظور کرگھدی

اسلام آباد ۔ 12 اگست (اے پی پی)قومی اسمبلی سارے سرکاری اتے غیر سرکاری دستاویزات اچ حضرت محمد ﷺ دے ناں نال خاتم النبیین لکھیے تے پڑھیے ونجنڑ دی قرارداد متفقہ طور تے منظور کرگھدی۔ بدھ کوں قومی اسمبلی اچ وزیر مملکت پارلیمانی امور علی محمد خان آکھیے جو ایں ایوان ہک مہینہ پہلے ہک تاریخ ساز قرارداد منظور کیتی ہئی جو رسول اکرم ﷺ دے ناں دے رلے درسی کتب اچ خاتم النبیین لکھیا ونجے ۔ اساڈے ہک رکن مجاہد خان تجویز ڈتی جو سارے سرکاری تے غیر سرکاری دستاویزات اچ وی حضرت محمد ﷺ دے نال خاتم النبیین لکھیا تے پڑھیا ونجے تاں جو فتنہ قادیانیت مک ونجے ۔ ایں تے پورے ایوان اتفاق کیتا ۔ایں حوالے نال قرارداد پیش کرنڑیں ہئی جیں دے بعد انہاں اے قرارداد پیش کیتی جو ایوان حکومت وقت توں مطالبہ کریندے جو سارے سرکاری تے غیر سرکاری دستاویزات اچ حضرت محمد ﷺ دے ناں نال خاتم النبیین لکھیا تے پڑھیا ونجے ۔ایوان قرارداد دی متفقہ منظوری ڈے ڈتی ۔