پشاور۔14اگست(اے پی پی )تحریک پاکستان اچ اساڈے اکابرین ہراول دستے دا کردار نبھائے۔اے گالھیں وفاقی وزیر مذہبی امور ڈاکٹر پیر محمد نورالحق قادری ’ تکیہ خیبر دی جاہ تے جشن آزادی بارے قبائل وکوں پاکستان دی تریخ دے ساریاں توں وڈے کیک کٹنڑ دے موقع تے خطاب کریندیں ہوئیں آکھی۔تفصیل موجب ضلع خیبر لنڈی کوتل خیبر تکیہ دی جاہ تے جشن آزادی دی خوشی اچ ترائے ہزار پونڈ وزنی 60فٹ لمبا اتے 15فٹ چوڑا کیک وفاقی وزیر برائے مذہبی امور پیرنورالحق قادری کٹیا۔تقریب اچ پاکستان تحریک انصاف دے سینئر رہنماءحاجی امیر محمد خان آفریدی الحاج شیر مت خان آفریدی اسسٹنٹ کمشنر لنڈی کوتل محمد عمران یوسفزئی ایڈیشنل اسسٹنٹ کمشنر شمس الاسلام زڑگے پاکستان دے چیئر مین حاجی شاکر آفریدی، چئیر مین زکوٰة کمیٹی ضلع خیبر حاجی احسان اللہ جنیدی دے علاوہ علاقے دے مشران اتے عوام دی وڈی تعداد شریک تھئی ۔ایں موقع تے وفاقی وزیر برائے مذہبی امور پیرنورالحق قادری آکھیا جو اج 74واں جشن آزادی اے۔انہاں آکھیا جو ملک دی سلامتی اتے دفاع سانگے کہیں قربانی توں پچھوں کائنا ہٹسوں۔
