اسلام آباد ۔ 11 اگست (اے پی پی) وزیر خارجہ شاہ محمود قریشی لاہور اچ مریم نواز دی نیب اچ پیشی دے موقع تے پیش آونڑ آلے مبینہ واقعے توں لاعلمی دا اظہار کریندے ہوئیں آکھیے جو ایں قسم دے طرز عمل نال کوئی سیاسی فائدہ نی پج سگدا ، ایں قسم دے واقعات دے تدراک کیتے حدود و قیود طے ہوونڑیںچاہیدن ‘ کوئی ذی شعور بندہ ایں قسم دی حرکت نی کرسگدا واقعے دی تحقیقات کرویسوں۔ منگل کوں قومی اسمبلی اچ خواجہ آصف دے نکتہ اعتراض دے جواب اچ وزیر خارجہ شاہ محمود قریشی آکھیے جو اساں مشرقی روایات دی قدر کریندوں۔ نیب دیاں پیشیاں تھیندیاں بئے قائدین وی پیش تھیندے رہ ویندن ۔ماضی اچ ایجھا واقعہ پیش کائنی آیا ضرور ایندی تحقیقات تھیونڑیں چاہیدی اے ۔احترام اتے آداب کوں ملحوظ خاطر رکھنڑاں چاہیدے ۔ پولیس ہووے ‘ پنجاب حکومت ہووے کہیں دی وی ایجھی حرکت نال سیاسی فائدہ نی پج سگدا ۔
