اسلام آباد ۔ 9 اگست (اے پی پی) وزیراعظم عمران خان دی ہدایت تے پورے ملک اچ ٹائیگر فورس ڈے منایا ویندا پئے۔ٹائیگر فورس ملکی تاریخ دی ساریں توں وڈی شجر کاری مہم اچ رلنڑ کوں تیار ہن ۔ملک اچ پہلی واری شجر کاری مہم کیتے جدید ٹیکنالوجی دا استعمال کیتا ویندا پئے ۔وزیراعظم عمران خان ٹائیگر فورس ایپلیکیشن اچ گرین سیلفی فیچر دے استعمال دی منظوری ڈتے ڈتی ۔ایپلیکیشن اچ جیو ٹیگنگ دی خصوصی سہولت وی متعارف کروا ڈتی گئی۔وزیراعظم یوتھ پروگرام توں جاری بیان موجب ایپلیکیشن دے ذریعے لاتے گئے بوٹیں دی لائیو لوکیشن اتے تعداد دا پتہ لاتا ونج سگدے۔بوٹا لاونڑ آلا رضا کار ایپلیکیشن دے ذریعے اپنڑی گرین سیلفی اپلوڈ کر سگسی۔نینگراں اپلیکیشن دا استعمال کریندے ہوئیں کجھ گھنٹے دے دوران 16 ہزار بوٹے لاڈتن۔خصوصی ایپلیکیشن پنجاب انفارمیشن ٹیکنالوجی بورڈ دے تعاون نال تیار کیتی گئی اے ۔
