موبائل نیٹ ورکس اتے انٹرنیٹ سروسز دی بہتری ملک دے فائدے اچ اے،ملک دے پرے دے علاقے اتے موبائل اتے انٹرنیٹ سروسز دی بہتری تے خصوصی توجہ ڈتی ونجے،مختلف کمپنیاں سپیکٹرم ویچنڑ دا عمل شفاف طریقہ کار اتے ترجیحی بنیاداں تے پورا کیتا ونجے،وزیراعظم عمران خان
اسلام آباد ۔ 12 اگست (اے پی پی) وزیرِ اعظم عمران خان مختلف موبائل کمپنیاں ولوں سپیکٹرم گھنڑ اچ دلچسپی تے اطمینان کریندیں ہوئیں ہدایت کیتی جو موبائل نیٹ ورکس اتے انٹرنیٹ سروسز دی بہتری ملک دے فائدے اچ اے،ملک دے پرے دے علاقے اتے موبائل اتے انٹرنیٹ سروسز دی بہتری تے خصوصی توجہ ڈتی ونجے،مختلف کمپنیاں سپیکٹرم ویچنڑ دا عمل شفاف طریقہ کار اتے ترجیحی بنیاداں تے پورا کیتا ونجے۔اے گالھیں انہاں بدھ کوں اتھاں اپنڑی صدارت اچ ملک اچ موبائل اتے انٹرنیٹ سروسز کوں بئیا بہتر کرنڑ بارے سپیکٹرم نیلامی بارے اجلاس دی صدارت کریندیں ہوئیں آکھی۔اجلاس اچ وزیر برائے انفارمیشن ٹیکنالوجی سید امین الحق، وزیرِ صنعت محمد حماد اظہر، مشیر خزانہ ڈاکٹر عبدالحفیظ شیخ، متعلقہ وزارتوں دے سیکرٹریز، چئیرمین پی ٹی اے ، ایگزیکیٹو ڈائریکٹر فریکوینسی ایلوکیشن بورڈ موجودہن۔وزیراعظم کوں مختلف کمپنیاں ولوں بئے سپیکٹرم گھنڑ دی درخواست اتے ایں بارے ہنڑ تئیں تھیونڑ آلی پیش رفت بارے تفصیلی ڈسیاگئیا۔
