وزیر خارجہ شاہ محمود قریشی دی چمن اچ تھیونڑ آلے دھماکے دی مذمت

اسلام آباد ۔ 10 اگست (اے پی پی) وزیر خارجہ شاہ محمود قریشی سنوار کوں چمن اچ تھیونڑ آلے دھماکے دی ودھ ساری مذمت کیتی اے تے دھماکے دے نتیجے اچ قیمتی جاناں دے ضیان تے افسوس دا اظہار کیتے ۔ وزیر خارجہ ہک بیان اچ آکھیے جو دشمن ہک واری ول بلوچستان دے امن کوں خراب کرنڑ دی مذموم کوشش کیتی اے ۔ مخدوم شاہ محمود قریشی آکھیے جو دہشت گردی کوں منڈھو مکا کراہیں دم گھنسوں ۔ وزیر خارجہ دھماکے اچ جاں بحق تھیونڑ آلیں کیتے مغفرت دی دعا کیتے تے انہاں دے لواحقین نال تعزیت دا اظہر کیتے ، انہاں زخمیاں دی وختی صحت یابی کیتے وی دعا منگی اے ۔