وزیر خارجہ مخدوم شاہ محمود قریشی نال فردوس شمیم نقوی دی قیادت اچ سندھ اسمبلی اچ پی ٹی آئی ارکان دے وفد دی ملاقات،سندھ دے تنظیمی تے سیاسی معاملیاں تے گالھ مہاڑ کیتی گئی

اسلام آباد ۔ 7 اگست (اے پی پی)وزیر خارجہ مخدوم شاہ محمود قریشی نال فردوس شمیم نقوی دی قیادت اچ سندھ اسمبلی اچ پی ٹی آئی ارکان دے وفد جمعے کوں وزارت خارجہ اچ ملاقات کیتی اے۔ ملاقات اچ سندھ دے تنظیمی تے سیاسی معاملیاں تے گالھ مہاڑ کیتی گئی ۔اسمبلی دے ارکان وزیرخارجہ کوں اپنڑے حلقیاںدے مسئلیاں بارے وی ڈسیا۔شاہ محمود قریشی آکھیا جو سندھ اچ اوکھے ویلھے تساں جینویں مﺅثر اپوزیشن دا کردار نبھائے او تعریف دے قابل اے۔پی ٹی آئی رہنما فردوس شمیم نقوی کشمیریاں نال یکجہتی سانگے یوم استحصال کوں بھرپور انداز اچ مناونڑ اتے بہترین خارجہ پالیسی تے کم کریندیں ہوئیں مودی سرکار دا اصلی چہرہ جگ کوں ڈکھاونڑ دا وزیرخارجہ کوں مبارک ڈتی۔ اپوزیشن لیڈر سندھ اسمبلی فردوس شمیم نقوی دے رلے ممبران صوبائی اسمبلی سندھ سدرہ عمران، بلال غفار، عمران شاہ اتے سنجے گنجوانی شامل ہن۔