وفاقی وزیراطلاعات و نشریات سینیٹر شبلی فراز دی وزیراعظم دی زیر صدارت مہانگ تے روزانہ دیاں چیزاں قیمتاں دے جائزہ اجلاس دے بعد میڈیا بریفنگ

APP42-12 ISLAMABAD: August 12 – Federal Minister for Information and Broadcasting Senator Shibli Faraz addressing a press conference at Press Information Department. APP photo by Irshad Sheikh

وزیراعظم عمران خان دیاں پالیسیاں پچھوں سوچ دا محور غریب طبقے دی فلاح بہبود اے ، وزیر اعظم ملک اچ ضروری چیزاں خصوصاً غریب عوام دے استعمال دیاں چیزاں اٹا، چاول ،کھنڈ تے دالاں سمیت 17 چیزاں دیاں قیمتاں کوں ہکو سواں رکھنڑ کیتے میکانزم بنڑاونڑ دی ضرورت تے زور ڈتے ،
اسلام آباد ۔ 12 اگست (اے پی پی) وفاقی وزیراطلاعات و نشریات سینیٹر شبلی فراز آکھیے جو وزیراعظم عمران خان دیاں پالیسیاں دے پچھوں سوچ دا محور غریب اتے پسماندہ طبقے دی فلاح بہبود اے ، ماضی دے حکمراناں ذاتی مفاد اتے اشرافیہ کیتے پالیسیاں بنڑائیاں غریب طبقات کوں ہمیشہ نظر انداز کیتے، حکومت دی سبسڈی توں سارے لوک فائدہ چیندن تے اشرافیہ وی مستفید تھیندے لیکن ہنڑ ہک ایجھا لائحہ عمل بنڑیندے پیوں جو سبسڈی توں صرف غریب مستفید تھی سگے، پاکستان تحریک انصاف دی حکومت وڈے چیلنجز تے خاصی حد تئیں قابو پاگھدے ہنڑ ایندا محور ماضی دے نظر انداز طبقات دی فلاح و بہبوداے، وزیراعظم باقاعدگی نال مہانگ دا جائزہ گھننڑ کیتے صوبائی حکام توں بریفنگ گھندن ، سندھ اچ صوبائی حکومت ولوں کنڑنک جاری نہ کرنڑ پاروں قیمتاں ساریں توں ودھ ہن ، وزیر اعظم ملک اچ ضروری چیزاں خصوصا غریب عوام دے استعمال دیاں چیزاں اٹا ،چاول ،کھنڈ تے دالاں سمیت 17قسم دیاں چیزاں کوں ہکو سواں رکھنڑ کیتے میکانزم بنڑاونڑ تے زور ڈتے ، شوگر کمیشن دی رپورٹ دے بعد کھنڈ دیاں قیمتان اچ ودھارا حکومت تے دباﺅ پاونڑ کیتے کیتا گئے ،حکومت مافیا دے گٹھ جوڑ دے دباواچ کہیں صورت کائناں آسی ،گنے دی کرشنگ وختی شروع کراونڑ کیتے صوبائی حکومتاں دے تعاون نال نواں قانون گھن آندے پیوں جیں دے تحت کرشنگ دیر نال شروع کرنڑ آلی شوگر مل کوں 50لکھ روپے یومیہ جرمانہ تھیسی۔اے گال انہاں وزیراعظم دی زیر صدارت مہنگائی اتے روزانہ دیاں چیزاں دیاں قیمتاں دے جائزہ اجلاس دے بعد پی آئی ڈی اچ میڈیا کوں بریفنگ ڈیندے ہوئیں آکھی اے ۔انہاں آکھیے جو اللہ تعالی دی مدد نال کوویڈ۔19 دی صورتحال دے باوجود وڈے چیلنجز تے کافی حد تئیں قابو پا گھدے ہنڑ حکومت دی توجہ غریب دی فلاح بہبود تے ہوسی ۔انہاں آکھیے جو وزیراعظم دی زیر صدارت مہنگائی اتے روزانہ دیاں چیزاں دیاں قیمتاں دے جائزہ اجلاس کوں 17 قسم دیاں استعمال دیاں مختلف ضروری چیزاں دیاں قیمتاں دا صوبائی جائزہ پیش کیتا گئے ۔اٹے دیاں قیمتاں دے حوالے نال ڈسایا گئے جو خیبر پختونخوا اچ 20 کلواٹے دے تھیلے دی قیمت 900 توں1150 روپے ، پنجاب اچ 20کلو اٹے دے تھیلے دی قیمت 860 روپے اتے سندھ اچ خاص کر کراچی اچ 20 کلو اٹے دے تھیلے دی قیمت 1400توں 1600روپے ہے جیں دی وجہ صوبائی حکومت ولوں کنڑنک جاری نہ اے ایں وجہ توں قیمتاں ودھ ہن ۔ وزیر اطلاعات آکھیے جو وزیراعظم صوبیں اچ اٹے دیاں قیمتاں ہکو سویاں کرنڑ دے حوالے نال لائحہ عمل بنڑاونڑ دی ہدایت کیتی اے ، مشیر خزانہ ڈاکٹر عبدالحفیظ شیخ اتے صوبائی وزیر علیم خان اتے متعلقہ فوڈ سیکرٹریز لائحہ عمل بنڑیندے پیوں ۔ انہاں آکھیے جو روزانہ دیاں چیزاں دیاں قیمتاں کوں ہر صورت گھٹ کریسوں۔