جمیکا ۔ 28 اگست (اے پی پی) ویسٹ انڈیز تریمت کرکٹ ٹیم آندے مہینے انگلینڈ دا دورہ کریسی۔ ویسٹ انڈیز ٹیم اپنڑے دورہ انگلینڈ دے دوران میزبان ٹیم دے خلاف 5ٹی ٹونٹی میچز دی سیریز کھیڈسی۔ ڈوہیں ٹیماں وچال ٹی ٹونٹی سیریز دے 5 میچز 21 توں 30 ستمبر دے درمیان ڈربی دی جاہ تے کھیڈے ویسن ۔ڈوہیں ٹیماں وچال تریجھا ٹی ٹونٹی میچ بی بی سی اتے اسکائی تے براہ راست نشر کیتا ویسی ۔ انگلینڈ اتے ویسٹ انڈیز دیاں تریمت ٹیماں وچال 5 ٹی ٹونٹی میچاں تے مشتمل سیریز دا پہلا میچ 21 ستمبر کوں کھیڈیا ویسی ،ڈوجھا ستمبر 23کوں کھیڈیا ویسی ، تریجھا 26 ستمبر کوں تے چوتھا 28 ستمبر کوں کھیڈیا ویسی جڈاں جو پنجواں تے چھیکڑی ٹی ٹونٹی میچ 30 ستمبر کوں کھیڈیا ویسی ۔
