واشنگٹن/ریوڈی جنیرو/نئی دہلی ۔ 12 اگست (اے پی پی) پوری دنیا اچ کورونا وائرس توں متاثرہ لوکاں دی تعداد 2کروڑ 5لکھ 30ہزار تئیں پج گئی اے جڈاں جو ایں مہلک وائرس توں ہنڑ تئیں ست لکھ 46 ہزار توں ودھ لوک ہلاک تھی گئن ۔ بدھ کوں امریکی ذرائع ابلاغ موجب دنیا دے مختلف ملکاں اچ کورونا وائرس دے فعال مریضاں دی تعداد63 لکھ 34 ہزارتوں ودھ اے ۔کورونا وائرس دے مریضاں دے اعتبار نال امریکہ دنیا اچ پہلے، برازیل ڈوجھے تے بھارت تریجھے نمبر تے ہے ۔اموات دے اعداد و شمار اچ امریکہ پہلے، برازیل ڈوجھے تے برطانیہ تریجھے نمبر تے ہے ۔ امریکہ اچ کورونا وائرس توں متاثرہ لوکاں دی تعداد 53 لکھ توں ودھ اے جداں جو ملک دیاں مختلف ریاستاں اچ ہنڑ تئیں ہک لکھ 67 ہزار توں ودھ بندے ہلاک تھی گئن ۔ امریکی حکام موجب امریکہ اچ کورونا وائرس دے فعال متاثرین دی تعداد23 لکھ 82 ہزار توں ودھ اے ، ملک اچ ہنڑ تئیں کورونا وائرس توں 167749ہلاک تھئن ۔ امریکی محکمہ صحت موجب ملک اچ کورونا دے کیساں دی مجموعی تعداد5305957 تئیں پج گئی اے ۔ برازیل اچ گزریل 24 گھنٹے دے دوران کورونا وائرس دے 52 ہزار نویں مریض سامنڑے آگئن جیں توں متاثرین دی مجموعی تعداد ودھ تے31 لکھ تھی گئی اے ایں دوران کورونا وائرس توں مزید1274 اموات تھئن جیں توں ملک دے مختلف علاقیں اچ وائرس دے مرنڑ آلیں دی تعداد 103099تھی گئی اے ۔ برازیل کورونا وائرس توں ڈوجھا ساریں توں ودھ متاثر ملک اے جتھاں 3112393 بندے مہلک وائرس توں متاثر تھئن ۔ بھارت اچ کوروناوائرس دے ریکارڈ 61 ہزار نویں مریضاں دے بعد متاثرین دی تعداد 23 لکھ 30 ہزار توں ودھ گئی اے ، نویں کیسزدے بعد ملک اچ کورونا دے فعال متاثرین دی تعداد 644107 تھی گئی اے ۔ بھارتی وزارت صحت توں جاری اعداد شمار موجب گزریل 24 گھنٹے دے دوران کورونا وائرس توں مزید 834 بندے ہلاک تھی گئن ۔ایران اچ کورونا وائرس متاثرین دی مجموعی تعداد ودھ تے3 لکھ 31 ہزار تھی گئی اے جڈاں جو مہلک وائرس توں 18ہزار لقمہ اجل بنڑ گئن ۔ ملک اچ کورونا وائرس توں ہنڑ تئیں 331189 بندے متاثر تھئن ۔ دنیا دے کئی ملکاں اچ کورونا وائرس توں متاثرہ لوکاں دی تعداد ودھدی ویندی اے جیں اچ امریکہ تے کجھ یورپی ملکاں دے علاوہ لاطینی امریکی ملک وی شامل ہن ۔ امریکہ دے علاوہ برازیل، بھارت، روس، جنوبی افریقہ، پیرو، میکسکو اتے چلی اچ لکھاں لوک مہلک وائرس توں متاثرتھئن ۔ دنیا وچ کورونا وائرس توں متاثرہ لوکاں دی تعداد 2 کروڑ 5 لکھ توں ودھ گئی اے جڈاں جو ہلاکتاں دی تعداد 7 لکھ 46 ہزار توں ودھ اے ۔
