کوئٹہ۔10اگست ( اے پی پی )چمن دے علاقے مال روڈ تے موٹر سائیکل اچ نصب بم دھماکہ اچ5 بندے جاںبحق اتے17 زخمی تھی گئن ۔ سرکاری ذرائع موجب سنوار کوں بلوچستان دے سرحدی علاقہ چمن مال روڈ تے اچانک ہک دھماکہ تھیا جیں دے نتیجے اچ حکمت اللہ،محمد شفیع ،محمد جلیل سمیت پنج بندے جاں بحق تھی گئن جڈاں جو زخمیاں وچ صلاح الدین،حمید ،لعل شاہ ،محمد غوث،عبدالناصر،شاہ محمود،ناصر ،میر حمزہ ،عبدالواحد ،راضیمہ ،محمد علی ،جلال اتے سراج شامل ہن۔ پولیس اتے قانون نافذ کرنڑ آلے اداریں اطلاع ملدے ہی وقوعے دی جاہ تے پج کراہیںلاشاں تے زخمیاں کوں وختی مقامی ہسپتال منتقل کیتا جڈاں جو4 الوکاں کوں مزید علاج دی غرض نال کوئٹہ ریفر کرڈتا گئے ۔ پولیس اتے قانون نافذ کرنڑ آلے اداریں مزید تحقیقات شروع کرڈتن ،دھماکے دے بعد چمن شہر دی سکیورٹی مزید سخت کرڈتی گئی اے ۔
