کامیاب جوان پروگرام دے تحت نینگراں کوں قرضہ ڈیونڑ دا ڈوجھا مرحلہ اج خمیس توں شروع تھیسی، نوجوان kamyabjawan.gov.pk تے اپنڑی رجسٹریشن کرا سگدن معاون خصوصی امور نوجوانان عثمان ڈار دی مشیر خزانہ ڈاکٹر عبدالحفیظ شیخ دے رلے پریس کانفرنس

APP38-12 ISLAMABAD: August 12 – SAPM on Youth Affairs Usman Dar along with Advisor to PM on Finance Dr. Abdul Hafeez Sheikh addressing a joint press conference on Kamyab Jawan Programme at Press Information Department. APP photo by Irshad Sheikh

اسلام آباد ۔ 12 اگست (اے پی پی) وزیراعظم دے معاون خصوصی امور نوجوانان عثمان ڈار آکھیے جوکامیاب جوان پروگرام دے تحت نینگراں کوں قرضہ فراہمی دا ڈوجھا مرحلہ اج خمیس توں شروع تھیسی ، نوجوان kamyabjawan.gov.pk تے اپنڑی رجسٹریشن کرا سگدن ، میرٹ اتے شفافیت دے ذریعے قرضے ڈتے ویسن ، باصلاحیت ہنرمند اتے بہترین کاروباری منصوبہ رکھنڑ آلے نینگراں کوں قرضے ڈتے ویسن ۔اے گال انہاں بدھ کوںمشیر خزانہ ڈاکٹر عبدالحفیظ شیخ دے رلے پریس کانفرنس کریندے ہوئیں آکھی اے ۔انہاں آکھیے جو موجودہ حکومت دی اولین ترجیح نینگراں کیتے روزگار دے موقع ڈیونڑ اے ۔انہاں آکھیے جوکامیاب جوان پروگرام دے تحت نینگراں کوں سوکھیاں شرطاں تے قرضے ڈیونڑ کیتے 100ارب روپے رکھیے گئن ہن۔ انہاں آکھیے جو ڈوجھے مرحلے اچ 10 لکھ نینگراں کوں روزگار دے موقع ڈتے ویسن ۔انہاں آکھیے جو میرٹ تے سکور کارڈ دے ذریعے اے قرضے ڈتے ویسن ،نینگراں دے تجربہ ہنر تے کم کرنڑ دی صلاحیت ہوونڑیں چاہیدی اے ۔انہاں آکھیے جو سٹارٹ اپس کیتے ہک لکھ توں 10 لکھ روپے رکھیے گئن اے تاریخ دی پہلی حکومت اے جیں نینگراں تے اعتماد کیتے ۔انہاں آکھیے جو نینگر ذاتی کاروبار کیتے اے قرضہ گھنسن تے ایں قرضے کوں بئے مقصد دی بجائے کاروبار کیتے ہی استعمال کیتا ویسی ۔پہلے مرحلہ اچ ساڈھے ست ہزار نینگراں دیاں قرضے دیاں درخواستاں منظور تھئن ۔