کورونا وبا تے قابو پاونڑ کیتے اجتماعات توں گریز اتے ٹیسٹنگ ودھاونڑ دی لوڑھ دی، عالمی ادارہ صحت

جنیوا ۔ 28 اگست (اے پی پی) عالمی ادارہ صحت دے ڈائریکٹر جنرل ٹیڈروس ایدہانوم گیبریسس آکھیے جو کووڈ۔19 دے موجود کیسز پاروں ولا توں وڈے اجتماعات دا انعقاد اے، غیر علامات دے حامل کیسز اتے انہاں نال رابطے اچ آونڑ آلے لوکاں دی ٹیسٹنگ ودھاونڑ دی لوڑھ اے ۔ہک پریس کانفرنس وچ انہاں آکھیے جو معمولات زندگی دی بحالی دے نال بہوں سارے علاقیں اچ وباءولا کھنڈنڑ شروع تھی گی ا ے، اکثر نویں واقعات دا تعلق عوامی اجتماعات دیاں جہیں مثلاً سٹیڈیم، نائٹ کلب تے عبادت گاہیں توں اے ،ایں طرح دے پرہجوم اجتماعات وائرس دے کھنڈنڑ کوں وڈے پیمانے تے تکھا کرنڑ دا باعث بنڑدن ۔ انہاں آکھیے جو ہر ملک تے قوم کوں فیصلہ کرنڑاں ہوسی جو کیویں خطرے کوں گھٹ توں گھٹ کریندے ہوئیں ایں طرح دے اجتماعات دا انعقاد کیتا ونجنڑاں چاہیدے ۔