کون بنڑسی یورپا فٹ بال کپ چیمپئن؟ سیویلا اتے انٹر میلان دیاں ٹیماں وچال فائنل میچ ہفتے کوں کھیڈیا ویسی

کولون ۔ 20 اگست (اے پی پی)یورپا فٹ بال کپ ٹورنامنٹ چھیکڑی مرحلے اچ داخل تھی گئے ۔ سیویلا اتے انٹر میلان دیاں ٹیماں وچال ٹورنامنٹ دا 49 ویں ایڈیشن دا فائنل میچ کل ہفتے کوں جرمنی اچ کے رائن اینرجی سٹیڈیم، کولون اچ کھیڈیا ویسی ۔ سیویلا اتے انٹر میلان ڈیاں ٹیماں دے کپتاناں فائنل اچ کامیابی کیتے بیان ڈتن ۔توقع کیتی ویندی پئی اے جو ڈوہیں ٹیماں وچال فائنل میچ سخت تے کانٹے دار ہوسی ۔ایندے توں پہلے سیویلا دی ٹیم ٹورنامنٹ دے پہلے سیمی فائنل میچ اچ مانچسٹر یونائیٹڈ کوں سخت مقابلے دے بعد 2-1 گول توں ہرا کراہیں فائنل تئیں رسائی حاصل کیتی جڈاں جو ڈوجھے سیمی فائنل میچ اچ انٹر میلان دی ٹیم شخٹر ڈونیٹسک دی ٹیم کوں یکطرفہ مقابلے دے بعد سوکھیں 5-0 توں ہرا تے ٹورنامنٹ دا فائنل کھیڈنڑ دا اعزاز حاصل کیتا ۔ ٹورنامنٹ دا فائنل میچ سخت اتے کانٹے دار ہوسی اتے شائقین کوں ہک چنگاں فائنل میچ ڈیکھنڑ کوں ملسی ۔واضح رہے جو سیویلا دی ٹیم ایندے توں پہلے 5 واری اے ٹائٹل جت چکی اے ، انٹر میلان دی ٹیم ترائے واری ٹورنامنٹ جت چکی اے۔