اسلام آباد ۔ 12 اگست (اے پی پی) وفاقی وزیر منصوبہ بندی، ترقی اتے خصوصی اقدامات اسد عمر آکھیے جو کووڈ۔19 دی وبا نال نبڑنڑ کیتے موثر اقدامات تے پوری دنیا وزیر اعظم عمران خان دی تعریف کریندی پئی اے ۔ بدھ کوں پی ٹی وی نال گال مہاڑ کریندے ہوئیں انہاں آکھیے جو کورونا وائرس دی وبا کوں کھنڈنڑ توں روکنڑ کیتے پاکستان دیاں کوششاں دنیا دے سامنڑے ہک مثال قائم کیتی ۔انہاں عوام توں اپیل کیتی جو او کورونا وائرس دے خلاف احتیاطی تدابیر تے عمل جاری رکھن ۔انہاں آکھیے جو لاک ڈاون کوں ختم کرنڑ دا مطلب اے کائنی جو کووڈ۔19 دی وبا ملک توں مک گئی اے ۔ احتیاط نہ کرنڑ تے کورونا وائرس دے کیس ولا ودھ سگدن۔ انہاں عوام توں اپیل کیتی جو سیاحتی جہیں تے بئیاں سرگرمیاں اچ احتیاط جاری رکھن ۔
