اسلام آباد ۔ 16 ستمبر (اے پی پی) وزیر مملکت پارلیمانی امور علی محمد خان آکھیے جو سخت سزاواں دے نفاذ دے نال نال فحاشی تے بے حیائی روکنڑ وی ضروری اے ، علماءکوں بے راہ روی روکنڑ کیتے حکومتی کوششاں دے رلے تھیونڑاں چاہیدے ۔بدھ کوں سینیٹ وچ سوالاں دے وقفے اچ جہانزیب جمالدینی دے سوال دے جواب اچ وزیر پارلیمانی امور علی محمد خان آکھیا جو مجرماں کوں سر عام سزا دا حامی آں لیکن صرف سزاواں نال بہتری کائناں آسی ، پولیس اتے انصاف دے نظام اچ بہتری گھن آونڑ دی لوڑھ اے ۔چیئرمین آکھیا جو نظام کوں بہتر بنڑاونڑ کیتے سٹڈیز یا سروے کراﺅ۔ علی محمد خان آکھیا جو سائنٹفک طریقے اختیار کرنڑ تے قانون کوں سیاسی وابستگیاں توں بالاتر تھی تے بہتر بنڑاونڑاں ہوسی ، کوئی وی حکومت علماءدے تعاون دے بغیر معاشرے کوں بہتر نی بنڑا سگدی ، وزیراعظم اسلامی سزاواں دی گال ول ول کریندن ۔