اسلام آباد ۔ 16 ستمبر (اے پی پی) سینیٹ دی قائمہ کمیٹی برائے اطلاعات و نشریات دے چیئرمین سینیٹر فیصل جاوید خان آکھیے جو قومی دولت لٹنڑ آلیاں کوں کوئی این آر او نہ ملسی،اپوزیشن فیٹف قانون سازی دے بدلے 34 ترامیم دی فرمائش کیتی اے جیکوں حکومت مسترد کرڈتے۔پالریمنٹ دے باھرو میڈیا نال الویندے انہاں آکھیے جو وزیراعظم عمران خان نواز شریف دی وطن واپسی کیتے وفاقی وزیر قانون انصاف فروغ نسیم اتے معاون خصوصی برائے داخلہ شہزاد اکبر کوں ہدایات ڈتن۔ انہاں آکھیا جو بالاں نال زیادتی دے حوالے نال مشترکہ بل تیکھے پارلیمنٹ اچ پیش کیتا ویسی، ایندے نال ملزمان کوں سخت سزا، سر عام پھاسی دی وی تجویز شامل ہوسی بھل ایندے تے ہر کہیں نال سلاھ کیتی ویسی۔ انہاں آکھیا جو اپوزیشن لیڈر شہباز شریف دے قومی اسمبلی اچ بیان بارے صرف معافی نال کم نہ چلسی،اج استعفے دا مطالبہ کرنڑ آلے کتھاں ہین،اپوزیشن فیتف بل دے بدلے حکومت توں کھل تے این آر او منگیے بھل وزیراعظم دا واضح موقف اے جو کہیں کوں وی این آر او نہ ڈتا ویسی۔