ابو ظہبی ۔ 15ستمبر(اے پی پی) امارات ایئر لائن آپنڑے رشتے داراں نال ملنڑ اتے دنیا دی سیر اچ مدد کیتے غیر ملکی طلبہ کیتے سپیشل پیکیج‘ جاری کیتے ۔الامارات الیوم موجب امارات ایئر طلبہ کوں چھٹیاں دے دوران رشتہ داراں یا دوستاں نال ملنڑ یا سیر کیتے سفر کرنڑ دی صورت اچ بزنس کلاس تے اکانومی کلاس دے ٹکٹاں وچ خصوصی رعایت ڈیسی ۔ مقررہ حد توں ودھ سامان رلے گھن ونجنڑ دی اجازت ہوسی ۔۔پرواز دی تاریخ توں 7 ڈینھ پہلے تک سفر دی تاریخ مفت تبدیل کرنڑ دا موقع ڈتا ویسی جڈاں جو طلبہ دے رشتہ داراں اتے انہاں دے ہمراہی کوں وی سفر ویلھے رعایت ڈتی ویسی ۔ امارات ایئر بیان وچ آکھیے جو اساڈا مشن اے دنیا دے لوک ہک ڈوجھے نال ودھ توں ودھ ملن ، تہذیباں دا تبادلہ تھیوے اتے سارے لوک ہک توں ڈوجھی جاہ آونج سگن۔
