امریکی ریاست اوریگون دے جنگلاں وچ بھاہ لگنڑ پاروں 9 لکھ ایکٹر رقبہ سڑ تے کولا ، 10 بندے جاں بحق ، 5 لکھ مڈی چاونڑ تے مجبور

واشنگٹن ۔ 11 ستمبر (اے پی پی)امریکی ریاست اوریگون دے جنگلاں وچ بھاہ لگنڑ پاروں 9 لکھ ایکٹر رقبہ سڑ تے کولاتھی گئے ، 10 بندے ہلاک ، 5 لکھ مڈی چاونڑ تے مجبور تھی گئن۔ فرانسےسی ذرائع ابلاغ موجب ریاست اورےگون دی گورنر کیٹ براون آکھیے جو ریاست دی تاریخ اچ لگنڑ آلی بھاہ بدترین اے جیں توں وڈی تعداد نال جانی تے مالی ضیان تھئے ۔انہاں آکھیے جو بھاہ توں پنج توں ودھ قصبے سڑ تے کولا تھی گئن۔ ارےگون اےمرجنسی مینجمنٹ ولوں جاری کیتے گئے تازہ ترین اعداد و شمار موجب جنگل دی بھاہ توں ہنڑ تئیں ریاست وچ ریکارڈ 9 لکھ ایکڑ دا رقبہ سڑ تے کولا تھی گئے جڈاں جو 10 بندے جان دی بازی ہر گئن ۔ حکام آکھیے جو اوریگون اچ 35 مختلف جہیں تے لگنڑ آلی بھاہ 80 کلومیٹر فی گھنٹہ دی رفتار نال چلنڑ آلی ہوا پاروں میلاں تئیں کھنڈ گئی اے ، فائر فائٹرز نیویارک شہر توں دوگنے رقبے تے کھنڈی بھاہ تے قابو پاونڑ اچ مصروف ہن ۔