مظفرگڑھ۔ یکم ستمبر (اے پی پی) زیادتی اچ مزاحمت تے بال کوں گولی مارنڑ دے واقعے دا ڈوجھا ملزم وی پولیس گرفتار کر گھدے مرکزی ملزم پہلے ہی گرفتار کر گھدا گیا ہئی ۔مظفرگڑھ دی تحصیل جتوئی دے علاقے موضع بھنڈی کورائی اچ30 اگست کوں ترائے لوکاں 15 سالہ زین العابدین ناں دے بال کوں مچھی کھواونڑ دے بہانے موٹر سائیکل تے رلے گھن گئے ہن ،پولیس موجب 3 ملزمان عمر کورائی،شفطر اتے مینا کورائی جنگل اچ موجود بھانڑیں اچ بال کوں اجتماعی زیادتی دا نشانہ بنڑاونڑ دی کوشش کیتی ، بال مزاحمت کیتی تاں اجتماعی زیادتی اچ ناکامی تے کاوڑ اچ آتے ملزمان بال دے جسم دے نازک حصے اچ گولی مارتے بھج گئے ۔پولیس موجب زخمی بال کوں تشویشناک حالت اچ نشتر ہسپتال ملتان منتقل کرڈتا گیا متاثرہ بال دے والد احسان احمد دی مدعیت اچ تھانڑاں بیٹ میرہزار اچ واقعے دا مقدمہ 3 لوکاں مینا کورائی،عمر کورائی اتے شفتر دے خلاف درج کر گھدا گیا ، پولیس موجب مقدمے اچ نامزد ملزمان دی گرفتاری کیتے چھاپے ماریے ویندے پئن جڈاں جو ، پولیس ترجمان موجب تھانڑاں میر ہزار خان نشوم بال نال زیادتی دی کوشش کیتی مزاحمت تے فائر مارنڑ دے انسانیت سوز واقعے تے وڈی پیشرفت پولیس بال کوں فائر مانڑ آلے واقعے دا مرکزی ملزم مینا کورائی کوں گزریل ڈینھ گرفتار کرگھدے اتے ڈوجھا ملزم شفتر وی اج گرفتار تھی گئے ،پولیس تریجھے ملزم دی گرفتار کیتے چھاپے مریندی پئی اے ، ڈی پی او دی ہدایات تے ملزم کوں سخت توں سخت سزا ڈیوائی ویسی ملزماں نال کہیں قسم دی کوئی رعایت نہ کیتی ونجے ۔ پولیس ملزمان دے خلاف اقدام قتل اتے زیادتی دی کوشش دی دفعات دے تحت مقدمہ درج کیتا ہویا اے۔
