اسلام آباد ۔ 29 ستمبر (اے پی پی) بھارتی فوج کنٹرول لائن تے بلا اشتعال فائرنگ کر تے شہری آبادی کوں نشانہ بنڑائے جیں دے نتیجے وچ پاک فوج دا سپاہی اتے 15 سالہ نینگر شہید تھی گئن جڈاں جو ہک تریمت سوجھے چار شہری زخمی تھئن ۔ پاک فوج دے شعبہ تعلقات عامہ (آئی ایس پی آر) توں جاری بیان موجب بھارتی فوج کنٹرول لائن تے بروہ اتے تندار سیکٹرز اچ بلا اشتعال فائرنگ کرتے شہری آبادی کوں نشانہ بنڑائے جیں دے نتیجے وچ بروہ وستی دا رہائشی 15 سالہ نینگر شہید تھی گئے جڈاں جو تندار سیکٹر اچ کرتان وستی دی ہک تریمت تے 80 سالہ بزرگ سودھے چار شہری زخمی تھی گئن۔ پاکستانی فوج بھارتی جارحیت دا منہ بھن جواب تے بھارتی پوسٹاں کوں نشانہ بنرائے جتھوں فائرنگ کیتی گئی ہئی ۔ بھارتی پوسٹاں تے ودھ سارے جانی تے مالی ضیان دی اطلاعات ہن ۔ فائرنگ دے تبادلہ اچ سپاہی شفیق بہادری نال مقابلہ کریندے ہوئیں شہید تھی گیا ۔
