نیویارک ۔ 10 ستمبر (اے پی پی) بیلجیئم دی نامور ٹینس سٹار اتے میگا ایونٹ دی 16 سیڈ ایلیس مارٹنز یو ایس اوپن ٹینس ٹورنامنٹ ویمنز سنگلز کوارٹر فائنل راﺅنڈ اچ ہرنڑ دے بعد ٹائٹل دی دوڑ توں باہر تھی گئی اے۔ انہاں کوں ویمنز سنگلز کوارٹر فائنل میچ اچ بیلاروس دی وکٹوریہ آزارینکا سٹریٹ سیٹس اچ اپ سیٹ شکست ڈتی۔ امریکہ دے شہر نیویارک سٹی اچ یو ایس ٹی اے بلی جین کنگ نیشنل ٹینس سینٹر اچ کھیڈیے ویندے میگایونٹ دے ویمنزسنگلز کوارٹر فائنل میچ اچ بیلا روس دی وکٹوریہ آزارینکا بہوں شاندار کارکردگی دا مظاہرہ کریندے ہوئیں بیلجیئم دی ایلیس مارٹنز کوں سٹریٹ سیٹس اچ 6-1 اتے 6-0 توں اپ سیٹ شکست ڈے تے میگا ایونٹ توں باہر کرڈتے ۔ واضح رہے جو بیلاروس دی وکٹوریہ آزارینکا دا سیمی فائنل اچ میزبان کھلاڑی سرینا ولیمز نال تھیسی ۔
