مظفرگڑھ۔ یکم ستمبر (اے پی پی) ممبر پنجاب اسمبلی تے معاون خصوصی وزیراعلیٰ خرم سہیل خان لغاری نال کمشنر ڈیرہ غازی خان ساجد ظفر ڈال تے آرپی او ڈی جی خان عمران احمر ملاقات کیتی ۔ملاقات اچ ساجد ظفر ڈال تے خرم لغاری دی مظفر گڑھ دے مسئلیں تے خاص طور تے ترقیاتی کماں دے حوالے نال گال مہاڑ کیتی گی ۔ خرم لغاری ترقیاتی کماں دی رفتار تکھی کرنڑ تے وختی پورے کرنڑ دی ہدایت ڈتی اتے آکھیا جو عوام دے مسئلیں کوں سنجیدگی نال حل کیتا ونجے اتے ایندے اچ کہیں قسم دی کوئی دیر نہ کیتی ونجے ۔خرم سہیل خان لغاری آر پی او ڈی جی خان عمران احمر دی یوم عاشور تے امن و امان برقرار رکھنڑ حوالے نال کوششاں دی تعریف کیتی۔انہاں یوم عاشور دے پرامن اختتام تے آر پی او اتے سیکورٹی فورسز کوں مبارخ باد وی پیش کیتی تے آکھیا جو پر امن ملک ہی ترقی یافتہ پاکستان دا ضامن اے اساکوں ملک دشمن عناصر تے نظر رکھنڑی پوسی ۔
