ٹوکیو ۔ 8 ستمبر (اے پی پی) سمندری طوفان ہائی شین جنوب مغربی جزیرے کیو شو توں لنگھ گئے تاں جو جاپان دے حکام مسلسل محتاط رہنڑ دی تاکید کریندے پئن ۔ایں طوفان توں جاپان دے کیو شو تے چوگوکو خطرے اچ طوفانی ہوائیں گھلیاں ،ودھ سارا مینھ وٹھا، ملک دے بئے کئی حصیں اچ وی ایں طوفان پاروں ودھ سارا مینھ وٹھا۔ حکام مٹی دے بھکل ڈھنڑ ،دریاواں اچ طغیانی تے نشیبی علاقیں اچ سیلاب آونڑ دے خطرے توں خبردار کریندے پئن ۔کیو شو اچ گھٹ توں گھٹ 46 بندے زخمی تھئن۔ میازاکی پریفیکچر دے حکام موجب مٹی دے ہک بھکل دی وکیڑ اچ آونڑ آلیاں عمارتاں دریا اچ ڈھنڑ دے بعد 4 بندے لاپتہ ہن ۔سمندری طوفان پاروں خاص طور تے کیو شو اچ 3 لکھ توں ودھ گھراں دی بجلی منقطع تھی گئی اے ۔بجلی آلیاں کمپنیاں آکھیے جو بجلی دی بحالی دا کم وختی شروع کرڈتا ویسی۔
