اسلام آباد ۔ 21 ستمبر (اے پی پی) وفاقی وزراءسینیٹر شبلی فراز، شاہ محمود قریشی ، چوہدری فواد حسین اتے اسد عمر آکھیے جو جمہوری حکومت دے خلاف سارے مفاد پرست کٹھے تھی گین،اپوزیشن اے پی سی اچ فوج، عدلیہ ،الیکشن کمیشن ، نیب سودھا سارے ریاستی اداریاں کوں نشانہ بنڑائے،اداریاں دی خلاف سازشاں اچ مسلم لیگ ن ہمیشہ اگوانڑ رہی اے،ریاستی اداریاں اتے انتخابی عمل کوں متنازعہ بنڑا تے ملک اتے جمہوریت دی کیہڑی خدمت کیتی ویندی پئی اے،نوازشریف دی تقریر تے ودھ خوشی بھارتی میڈیا ڈکھائی اے اتے لیڈ سٹوری چلائی اے جو”نواز شریف پاک فوج تے حملہ کر ڈتے“،جیکر نوازشریف ہٹے کٹے تھی گین تاں ہنڑ وطن ول آون،قوم کوں شک اچ نہ رہنڑاں چاہیدا جو اے کیہڑے پانڑی اچ ہین،انہاں کوں جمہوریت دا نئیں اپنڑی ذات، اقتدار اتے کرپشن آلی مڈی کھسیجنڑ دادرد اے بھل وزیراعظم عمران خان اج وی ڈٹیے کھڑن جو انہان کوں کوئی وی این آر او نئیں ڈیونڑاں۔اے گالھیں وفاقی وزیر اطلاعات و نشریات سینیٹر شبلی فراز ، وزیر خارجہ شاہ محمود قریشی ، وفاقی وزیر منصوبہ بندی اسد عمر ، وفاقی وزیر سائنس اینڈ ٹیکنالوجی چوہدری فواد حسین پریس کانفرنس اچ کیتن۔وفاقی وزیر اطلاعات و نشریات سینیٹر شبلی فرازآکھیے جو وزیراعظم عمران خان دے آکھیے تے اے پی سی سیاسی قیادت دیاں تقریراں نئیں روکیاں گیاں ،پیپلز پارٹی آپ مولانا فضل الرحمان دی تقریر ڈکی اے۔ انہاں آکھیے جو اپوزیشن اے پی سی اچ الیکشن عمل کوں مشکوک اتے دھاندلی زدہ کرنڑ دی کوشش کیتی اے ،جیکر اے الیکشن جیت ونجن تاں شفاف اتے ہر ونجین تاں ول دھاندلی آلے تھی ویندن،اے پنڑی ہار تے حالی وی روندے ودن،2013دے الیکشن اچ 413 الیکشن پٹیشن ہن بھل 2018 دے الیکشن اچ 299 پٹیشناں اچوں 90قومی اسمبلی دے حلقاں دی ہن جیندے اچ اکثریت تے پی ٹی آئی اراکین کجھ ووٹاں توں ہریے ہن۔
