دشمن پاکستان دو میلی اکھ ڈیہدا پئے،دشمن دے شیطانی منصوبے مٹی اچ رلا ڈیسوں،وزیرخارجہ شاہ محمود قریشی دا حضرت بہاﺅ الدین زکریادا عرس مکنڑ دی تقریب نال خطاب

APP19-25 MULTAN: September 25 – Foreign Minister and Sajjada Nasheen of Shrine Hazrat Bahauddin Zakariya (R.A), Makhdoom Shah Mehmood Qureshi offering Dua during concluding ceremony of 781st Urs Celebrations. APP photo by Qasim Ghauri

ملتان ۔ 25 ستمبر (اے پی پی) وزیرخارجہ مخدوم شاہ محمود قریشی آکھیے جو بھارت کشمیر اتے ہندوستان دے مظلوم مسلماناں تے ظلم کریندا پئے،بھارت حضرت بہاﺅ الدین زکریا دے عرس کیتے راجھستان دے زائرین کوںویزے نئیں ڈتے،دشمن پاکستان دو میلی اکھ ڈیہدا پئے،دشمن دے شیطانی منصوبے مٹی اچ رلا ڈیسوں۔اے گالھ انہاں ملتان اچ حضرت بہاءالدین زکریاملتانی دے 781ویں عرس مکنڑ دی تقریب نال دعا کریندے آکھی اتے علما کرام دا شکریہ ادا کیتا۔شاہ محمود قریشی ملکی سلامتی، خود مختاری، لوکاں دے ہر قسم دے سوکھ، کرونا جھیاں آفتاں توں بچنڑ کیتے دعا منگی جواللہ کرے کہ کرونا تیکھے مک ونجے۔انہاں آکھیا جو ملک کوں کئی چیلنجز درپیش ہین،اساں اللہ دے حکم نال دشمن دی ہر شیطانی چال کوں ہر سطح تے ناکام بنڑیسوں اتے مسلہ کشمیر سودھا فلسطین تے کوئی وی سمجھوتہ نہ کیتا ویسی۔شاہ محمود قریشی آکھیا جو اساں افغانستان اچ امن دا جیڑھا سلسلہ شروع کیتے اللہ ایندے اچ سرخرو کریسی،اللہ پاک ساڈے نیک عزائم کوں کامیاب کرے اتے ساڈے محبت اتے امن دا سبق ڈیونڑ آلے استانیاں اتے خانقاہیں کوں قائم رکھے۔