اسلام آباد ۔ 18ستمبر(اے پی پی)سرائیکی صوبے واسطے میڈی جان وی حاضر اے ، صوبے دی جدوجہد کیتے سارے کٹھے تھیون میکوں جتھاں وی یاد کیتا ویسی میں اتھائیں آویساں، اے گال سرائیکی دے مہان گلوکار عطاءاللہ خان عیسی خیلوی ظہور دھریجہ دی قیادت اچ میانوالی عیسی خیل ہاﺅس اچ وفد نال گال مہاڑ کریندے ہوئیں آکھی اے ، وفد دی قیادت ظہور دھریجہ کریندے پئے ہن۔عطاءاللہ خان عیسی خیلوی آکھیا جو پہلے اساکوں رلے تھی کراہیں صوبے واسطے سانجھا لائحہ عمل بنڑاونڑ دی لوڑھ اے ، انہاں آکھیے جو میں ایں سلسلے اچ وزیراعظم عمران خان تے وزیر اعلیٰ پنجاب سردار عثمان بزدار نال وی ملاقات وچ اے گال کریساں ، جو وسیب دیاں محرومیاں مکاون۔ظہور دھریجہ سرائیکی صوبے دی حمایت تے عطاءاللہ خان عیسی خیلوی دا شکریہ ادا کیتا ۔ایں موقع تے وفد دی صدارت ظہور دھریجہ کریندے پئے ہن ، وفد دے رلے محمد خان بلوچ،ملک ممتاز گورچہ،احسان اعوان تے آصف دھریجہ شامل ہن ۔
