اسلام آباد ۔ 24 ستمبر (اے پی پی) وزیراعظم عمران خان سرمایہ کاراں ولوں راوی ریور فرنٹ اربن ڈویلپمنٹ پراجیکٹ اتے بنڈل آئی لینڈ منصوبیاں اچ دلچسپی تے اطمینان کریندے ، تعمیرات دے شعبے دی ترقی نال نہ صرف کاروباری سرگرمیاں ودھسن بھل نوکریاں وی نکلسن اتے ایندے نال دولت دی پیداوارسودھا معیشت تکڑی تھیسی۔حکومت کاروباری سرگرمیاں دی راہ اچ رکاوٹاں ترجیحی بنیاد تے حل کریسی۔اے گالھ انہاں معروف سرمایہ کاراں اتے ممتاز کاروباری شخصیات نال الویندے کیتی۔وفد اچ عقیل کریم ڈھیڈی، عارف حبیب، عباس مختار، فواد مختار، فیصل آفریدی، گوہر اعجاز، میاں محمد احسن، مدثر محمود، طارق رفیع، عاصم محمود، سلمان اقبال اتے بئے موجود ہن۔ گورنر سندھ عمران اسمعیل، گورنر سٹیٹ بنک ڈاکٹر رضا باقر، چیئرمین نیا پاکستان ہاوسنگ اینڈ ڈویلپمنٹ اتھارٹی لیفٹنٹ جنرل (ر) انور علی حیدراتے بئے سینئر افسران وی ملاقات اچ آئے ہن۔وفد سرمایہ اکری اتے کاروبار دوست پالیسیاں سانگے حکومت خاس کر وزیر اعظم دے کردار دی تعریف کیتی اتے مختلف منصوبیاں اچ تجویزاں ڈیونڑ سودھا ودھ دلچسپی ڈکھائی۔
