اسلام آباد ۔ 18ستمبر(اے پی پی)شفاءاللہ روکھڑی وسیب دا سرمایہ اتے پاکستان دا فخر ہن ، انہاں سویں فنکار روز روز نئی جمدے بلکہ صدیاں بعد جمدن ۔اے گال سرائیکستان قومی کونسل دے صدر ظہور دھریجہ وفد دے رلے شفاءاللہ روکھڑی دے فرزند، عمران خان روکھڑی، ذیشان خان روکھڑی نال شفاءاللہ خان روکھڑی دی وفات تے اظہار تعزیت کریندے ہوئیں آکھی اے۔انہاں آکھیے جو او ہمیشہ زندہ رہسن آپنڑی خوبصورت آواز تے یاداں دے نال ،انہاں دا دنیا توں ونجنڑ وسیب کیتے ہک بہوں وڈا ضیان اے۔ وفد دے رلے بھکر کے ضلعی صدر محمد خان مچھرانی بلوچ، ملک ممتاز گورچھا ،سرائیکستان یوتھ کونسل دے صدر آصف دھریجہ اتے احسان احمد اعوان وی موجود ہن، روکھڑی ہاﺅس میانوالی وچ انہاں شفاءاللہ خان روکھڑی دے درجات دی بلندی تے ایصال ثواب کیتے دعا منگی ، انہاں آکھیے اللہ سئیں شفاءاللہ خان روکھڑی دے اہل خانہ کوں ناقابل تلافی ضیان تے صبر ڈیوے ۔ ایں موقع تے عمران خان روکھڑی اتے ذیشان خان روکھڑی آکھیا اساں ادارہ جھوک دے شکر گزار ہیں انہاں اساڈے بابا داملتان اچ تعزیتی ریفرنس منعقد کرتے انہاں کوں خراج عقیدت پیش کیتے ۔
