اسلام آباد ۔ 30 ستمبر (اے پی پی) صدر مملکت ڈاکٹر عارف علوی کویت دے امیر صباح الاحمد الجابر الصباح دے انتقال تے ودھ سارے ڈکھ تے افسوس دا اظہار کیتے ۔بدھ کوں ایوان صدر توں جاری بیان موجب صدر مملکت آل صباح اتے اہل کویت نال اظہار ہمدردی تے مرحوم دے اچے درجے کیتے دعا کیتی اے ۔ صدر مملکت آکھیا جو اللہ مرحوم کوں اپنڑے جوار رحمت اچ جاہ تے آل صباح کوں صبر جمیل عطا فرماوے۔ انہاں آکھیے جو پاک۔کویت تعلقات کیتے مرحوم ودھ ساری خدمات انجام ڈتیاں ۔
