اسلام آباد ۔ 11 ستمبر (اے پی پی) عالمی ادارہ صحت (ڈبلیو ایچ او) کرونا دے خلاف پاکستان دی کامیاب حکمت عملی دی تعریف کریندے جگ کوں کرونا نال نبڑن کیتے پاکستان سودھا ست ملکاں توںسکھنڑدی صلاح ڈتی اے۔عالمی ادارہ صحت آکھیے جو کرونا دے خلاف تیاری اتے ردعمل جگ کیتے ہک سبق اے،عالمی وبا نال نبڑن کیتے پاکستان، تھائی لینڈ، نیوزی لینڈ، اٹلی، منگولیا، ماریشس اتے یوراگوئے توں سبق سکھنڑا چاہیدے جو کثیرالجہتی نظام صحت بہوں ضروری اے۔سربراہ ڈبلیو ایچ او ڈاکٹر ٹیڈروس اڈہانوم آکھیے جواے چھیکڑی وبا نئیں،اینجھاں وبائیں جیونڑ دی حقیقت ہین ساکوں انہاں کیتے ہر ویلھے تیار راہنڑاہوسی،اج شعبہ صحت اچ سرمایہ کاری دی لوڑھ اے۔
