ملتان ۔10 ستمبر (اے پی پی) ٹورازم ڈویلپمنٹ کارپوریشن آف پنجاب (ٹی ڈی سی پی )دے اعلی حکام غازی گھاٹ دے نیڑے موجود ”پیالہ جھیل“ بارے ٹی ڈی سی پی ڈیرہ غازی خان توں رپورٹ منگ گھدی اے ۔ ٹی ڈی سی پی ڈیرہ غازی خان دے انچارج شیخ اعجاز ڈسائے جو ملتان ڈے ویندے ہوئیں غازی گھاٹ پل کراس کرنڑ دے بعد قدرتی طورتے ہک جھیل بنڑی ہوئی اے جیں دارقبہ لگ بھگ ڈو سو کنال اے ۔ مقامی لوک اینکوں پیالہ جھیل اکھیندن ۔انہاں آکھیے ایں جھیل دا پانڑیں مٹھا اے اتے مقامی لوکاں موجب جھیل دے ادھ اچ ایندی جھکائی 80فٹ تئیں اے ۔ ٹی ڈی سی پی ایں جھیل کوں سیاحواں کیتے بہوں چنگاں تے جدید سہولتاں نال آراستہ پوائنٹ بنڑاونڑ چاہندی اے۔ جتھاں ڈیرہ غازی خان، مظفرگڑھ، ملتان اتے نیڑے علاقیں توں لوک تفریخ کیتے آسگن ۔
