اسلام آباد ۔ 29 ستمبر (اے پی پی) صدر مملکت ڈاکٹر عارف علوی دی ذال ثمینہ علوی آکھیے جو ماحولیاتی آلودگی مکاونڑ کیتے ودھ توں ودھ بوٹے لاتے ونجن ، تریمتاں ودھ چڑھ تے ایں قومی خدمت اچ حصہ گھنن ،اے گال انہاں منگل کوں پارلیمنٹ ہاﺅس اچ بوٹا لاونڑ دے موقع تے گال مہاڑ کریندے ہوئیں آکھی اے ۔ انہاں آکھیے جو فضائی آلودگی اچ کمی ،ماحولیاتی تحفظ تے ملک تے قوم کوں محفوظ بنڑاونڑ کیتے شجر کاری ویلھے دی لوڑھ اے ۔انہاں آکھیے جو شجرکاری صدقہ جاری اے، اینکوں اہمیت ڈیونڑیں چاہیدی اے ۔ تریمتاں کوں نرسیاں لاونڑیاں چاہیدن ،اے بہوں چنگاں اقدام اے ،اساکوں شجر کاری کوں ودھارا ڈیونڑاں چاہیدے ،ایندے نال موسم تے چنگاں اثر پوندے ۔ایں موقع تے موسمیاتی تبدیلی دی وزیر مملکت زرتاج گل گال مہاڑ کریندے ہوئیں آکھیے جو خاص طور تے نینگر ، تریمتاں ، سول سوسائٹی وزیراعظم دے 10 بلین ٹری سونامی منصوبہ کوں کامیاب بنڑاونڑ کیتے کوشاں ہن 49 کروڑ بوٹے لاتے گئن سیزن مک ونجنڑ تئیں اتے مزید لاتے ویسن ۔حکومت دے ڈوجھے سال اچ ہک ارب دے نیڑے بوٹے لاونڑ اچ کامیاب تھی ویسون
