ملک اچ پہلی واری کورونا ویکسین دے کلینیکل ٹرائلز 20 ستمبرتوں شروع تھیسن

اسلام آباد ۔ 2 ستمبر (اے پی پی) پارلیمانی سیکریٹری برائے نیشنل ہیلتھ سروسز ریگولیشنز اینڈ کوارڈینیشن نوشین حامدآکھیے جو نیشنل انسٹی ٹیوٹ آف ہیلتھ (این آئی ایچ) چین نال رل تے 20 ستمبر توں ملک اچ پہلی واری (کووڈ۔ 19) ویکسین دے فیز۔ IIIدے کلینیکل ٹرائلز کریسی۔ ہک انٹرویو اچ انہاں آکھیے جو چین ہک آزمائشی معاہدے دے تحت نیشنل فارماسیوٹیکل گروپ (سونوفرم) کورونا وائرس ویکسین دے ٹرائل کریسی جیندے کیتے ماہر ڈاکٹراں کوں تربیت ڈتی ویندی پئی اے،کووڈ۔19 نال متاثرہ مختلف گروپاں نال 8 توں 10 ہزار رضاکاراں کوں کووڈ۔ 19دی ویکسین دے کلینیکل ٹرائلزاچ رلایا ویسی۔