اسلام آباد ۔ 30 ستمبر (اے پی پی) وزیراعظم عمران خان آکھیے جو ملک دا سجاکامستقبل ڈیجیٹل پاکستان نال جڑیا ہوئے، پسماندہ علاقیاں دی ترقی ترجیح اے،پچھو رہ ونجنڑ آلے طبقیاں کوں اگونہا کیتا ویسی۔اے گالھ انہاں یونیورسل فنڈولوں کنٹریکٹ ایوارڈز دی تقریب نال خطاب اچ آکھی۔ ایں کنٹریکٹ نال ہائی سپیڈ براڈ بینڈ سروسزتوں بلوچستان اتے سندھ دے پسماندہ علاقے وی فیدہ چا سگسن۔وزیراعظم آکھیا جو آئی ٹی دے شعبہ اچ نوجواناں کوں موقع ڈے تے انہاں دی صلاحیتاں توں فیدہ چاتا ونجن سگدے،برآمدات وی ودھایاں ونج سگدن۔انہاں آکھیا جو یو ایس ایف یو فون اتے جاز دامعاہدہ چنگی پیش رفت اے،ساڈی حکومت پچھو رہ ونجنڑ آلے طبقات اتے علاقیاں دی ترقی تے ودھ توجہ ڈیندی پئی اے تاں جو معاشرے تے ترقی دے ہکو سویں اثرات دا فیدہ ملے،امیری اتے غریبی اچ وڈا فرق وڈے مسلیاں دی وجہ بنڑدے ،ساکوں انہاں مسلیاں نال نبڑنے تاں جو مساوی اتے منصفانہ ترقی کوں اگو تے ٹوریا ونج سگے۔وزیراعظم آکھیا جو اج ٹیکنالوجی دا دور اے جیندے اچ فور جی، فائیو جی نال ورچوئل سسٹم توں فیدہ چاتے ونج سگدن،ساکوں حالی ڈیجیٹل پاکستان کیتے بہوں کم کرنڑے۔
