ملتان ۔08 ستمبر(اے پی پی)نشترمیڈیکل کالج دے نرسنگ ہاسٹل اچ منگل دے ڈینھ ایئرکولرتوں ڈینگی لاروابرآمدتھیونڑ دے بعد ڈپٹی کمشنر عامرخٹک ملتان اچ ڈینگی الرٹ جاری کرڈتے ۔ایں حوالے نال انسدادڈینگی مہم داجائزہ گھننڑ کیتے اجلاس منعقد تھیا جیں اچ سی ای او ہیلتھ ڈاکٹرارشدملک ،سی ای اوایجوکیشن ریاض خان ،ڈپٹی ڈائریکٹرماحولیات اتے بئے افسراں شرکت کیتی ۔ایں موقع تے بریفنگ ڈیندے ہوئیں ڈپٹی کمشنرکوں ڈسایا گیا جو گزریل ڈاہ ڈینھ دے ملتان اچ 24 جہیں توں ڈینگی لاروا برآمد تھئے ۔ڈاکٹرعطاءالرحمن مزیدڈسایا جو ڈینگی سروے دیاں ٹیماں متحرک کرڈتیاں گن ۔ڈپٹی کمشنرہدایت کیتی جو جنہاں جہیں توں لاروا برآمد تھئے اتھاں ایس او پیز مطابق سارے اقدامات کیتے ونجن تے سکول کالج کھلنڑ دے پیش نظر تعلیمی اداریں دیاں عمارتاں دی سرویلنس وی کیتی ونجے ۔
