اسلام آباد ۔ 23 ستمبر (اے پی پی) وزیراعظم دے مشیر داخلہ و احتساب شہزاد اکبر آکھیے جو نیب منی لانڈرنگ کیس اچ شہباز شریف اتے انہاں دے بالاں دے خلاف ریفرنس دائرکر ڈتے اتے ٹھوس شوہد وی کٹھے کیتن، ایف آئی اے شوگر کمیشن رپورٹ دی تحقیقات کریندی پئی اے،رمضان شوگر ملز دے 11 ملازمین دے اکاﺅنٹس نال ساڈھے 9 ارب روپے دی منی لانڈرنگ تھئی اے اتے منظم گینگ وڈے منظم طریقہ نال اے منی لانڈرنگ کیتی اے، شہباز شریف پہلے وی میڈے سوالاں دے جواب نئیں ڈتے،اج انہاں توں 4 سوال پچھین، میڈیا تے صفایاں دی بجائے عدالت اچ صفائی ڈیون ۔پریس کانفرنس اچ مشیر داخلہ و احتساب شہزاد اکبرآکھیا جو منی لانڈرنگ کیس اچ شہباز شریف اتے انہاں دے بالاں دے خلاف ریفرنس کیتے نیب دی رپورٹ 55 والیمز اتے 25 ہزار صفحات دی اے،جیندے اچ 16جنڑے نامزد ہین،انہاں اچ چھی اپنڑے شہباز شریف دے ٹبر دے جنڑے ہین اتے 10 ملزمان انہاں دے آلہ کارہین جڈاں جو 4ملزمان جرم من تے سلطانی گواہ بنڑ چکین۔انہاں آکھیے جو رپورٹ اچ ملوث کمپنیاں،منی لانڈرنگ نیٹ ورک، 177 جعلی ٹی ٹیزاتے حمزہ شہباز دے اکاﺅنٹ اچ آونڑ آلی رقوم دی تفصیل وی موجود اے،انہاں مال وی ایں منی لانڈرنگ دے پیسے نال گھدے۔شہباز شریف دی رمضان شوگر ملزوی ایندا حصہ اے جیندا انتظام حمزہ شہباز اتے سلمان شہبازسنبھلیندن۔انہاںا ٓکھیے جو سالگر تے شہباز شریف کوں بھتریجی پارٹی اوں کڈھ تے جیڑھا تحفہ ڈتے اوندے تے افسوس تھئے،انہاں کوں بزرگی دا احترام کرنڑا چاہیدا ہا۔
