اسلام آباد ۔ 21 ستمبر (اے پی پی) وزیراعظم عمران خان آکھیے جو سرکاری خزانے توں دتی ونجنڑ آلی سبسڈی دا مقصد معاشرے دے کمزور طبقاں دی معاونت اتے سماجی و معاشی ترقی داودھارا اے، غیر مستحق لوکاں دا سبسڈیز نظام توں فائدہ چاونڑ نہ صرف سرکاری وسائل دا ضیان اے بھل حقداراں دی حق تلفی وی تھیندی اے ،ایں نظام اچ اصلاحات تے ودھ توجہ ڈتی ویندی پئی اے۔اے گالھ انہاں حکومت ولوں مختلف شعباں اچ ڈتی ونجنڑ آلے سبسڈی نظام دی شفافیت اتے منظم بنڑاونڑ سانگے جائزہ اجلاس دی اگوانڑی کریندے آکھی۔اجلاس اچ وزیر برائے صنعت محمد حماد اظہر، مشیر خزانہ ڈاکٹر عبدالحفیظ شیخ، مشیر تجارت عبدالرزاق داود، معاونین خصوصی ڈاکٹر ثانیہ نشتر، ڈاکٹر شہباز گل، سابق سیکرٹری خزانہ ڈاکٹر وقار مسعوداتے بئے سینئر افسران موجود ہن۔ سابق وزیرِ خزانہ شوکت ترین، سلطان علی الانہ، عارف حبیب، ڈاکٹر اعجاز نبی ویڈیو لنک تے شرکت کیتی۔وزیراعظم ہدایت کیتی جو سبسڈی نظام اچ اصلاحات حکومت دی ترجیح اے،سبسڈی ڈیونڑ کیتے تجاویز تے تھنک ٹینک دیاں کوششاں چنگیاں رہین،حکومتی ترجیحات ڈیہدے ہوئے ہر قابل عمل تجویزسانگے روڈ میپ بنڑا تے ایندے تے مرحلہ وار عملدرآمدکیتا ونجے۔
